Astrid Lindgren med armarna i kors bakom huvudet

Mánáin lea riekti gullat ja lohkat erenoamáš muitalusaid

Lohkanvásáhusat addet earet eará earenoamáš fámu. Fámu bokte lea vejolaš viiddidit máilmmi, vuoitit giela, hástalit jurdagiid ja diktit fantasiija mannat gosa háliida. 2002 Ruoŧa ráđđehus mearridii ásahit Astrid Lindgren Memorial Award. Bálkkašumi ulbmil lea suddjet mánáid rievtti erenoamáš muitalusaide. Jahkásaččat bálkkašupmi juhkkojuvvo ovtta olbmui dahje organisašuvdnii,gii dorjo girjjálašvuođa mearkkašumi mánáide ja nuoraide birra máilmmi. Bálkkašumi sturrodat lea vihtta miljovnna kruvnno ja lea de stuorimus bálkkašupmi máilmmis dán suorggis. Ja dat čájeha man dehálaš nuoraid lohkan lea dál ja boahtte áiggis.

Astrid Lindgrena muitun

Astrid Lindgren lea olu bargan dán ovddas ahte mánát galggaše dovdat sivustis olu. Son ođasmahtii mánáid girjjálašvuođa ja su muitalusat leat beakkán miehta máilmmi. Sus leai maid humanisttalaš jurddašanvuohki ja son searvvai maid servodatdigaštallamiin ja dain digaštallamiin leai álot mánáid ja sin boahtte áigi njunnošis. 2002 go Astrid Lindgren jámii, 94 jahkásažžan, de Ruoŧa ráđđehus ásahii Astrid Lindgren Memorial Award (ALMA). Okta riikkaidgaskasaš bálkkašupmi man ulbmil lea sihke gudnejahttit dan beakkán girječálli muittu ja loktet beroštumi mánáid ja nuoraid girjjálašvuhtii máilmmis.

Eiseváldi Kulturrådet administrere bálkkašumi ja čállingotti ovddasvástádus lea gulahallat, doarjut jury, hálddašit sihke ekonomiija ja buot doaluid mat gusket bálkkašupmái ja vuoitiide. Okta jury, mas leat 12 áirasat, válljejit vuoitiid.

Girjjálašvuohta alla dásis

Astrid Lindgren ovddidii mánáid girjjálašvuođa. Bálkkašupmi juolluduvvo daidda geat sin dáidagiin geavahit fantasiija, duostilvuođa, respeavtta ja empatiija. Dáidagiin ja bargguin ferte maid leahkit alla dáiddalaš kvaliteahtta. Bálkkašupmi addá fuomášumi ja de girjjit jorgaluvvot máŋgga gielaide ja eanet mánát ožžot de erenoamáš girjjálašvuođa. Girjjálašvuohta mii lea guoimmuheaddji, hástaleaddji, ođasmahtton dahje máŋggabealat.
Mánáid ja nuoraid girjjálašvuohta lokte ipmárdusa ja gaskkusteami kultuvrraid ja olbmuid gaskka. Ahte mánáin ja nuorain lea vejolašvuohta beassat oktavuhtii girjjálašvuođain lea demokratiija ja rabasvuođa eavttut. Mii dáhpáhuvvá jus mánát ja nuorat eai oaččo vejolašvuođa beassat dan máilbmái masa beassá lohkama čađa? Astrid Lindgren vástidii ieš dan jearaldahkii go giittii H.C Andersena medállja ovddas 1958:

Okta mánná oktan su girjjiin ráhkada juostá doppe sielu čiegusvuođas iežas govaid. Govat mat leat earenoamážat. Olmmoš dárbbaša dakkár govaid. Dan beaivvi go mánáid fantasiija ii šat nagot ráhkadit daid govaid, de olmmošvuohta geffo.